Teu fakalele FaleAlea ‘o Tonga ako fakafeitu’u ma’a e ngaahi FaleAlea e Pasifiki

E-mail Print PDF

07 Novema 2013 English | Tongan ‘Oku ‘amanaki fakalele mo fokotu’utu’u ‘e he FaleAlea ‘o Tonga ‘a e fakataha ‘aho ‘e ua ma’a e Fakataha’anga faka-FaleAlea ‘a e Pasifiki

Ko e fakataha ni ‘e fakahoko ‘i he Senita Fa’onelua mei he Tu’apulelulu ‘aho 7 – 8 Novema ‘i he tokoni fakapa’anga ‘a e Va’a Fengaue’aki Faka-faleAlea ma’a e Pasifiki pe Pacific Parliamentary Partnerships.

Ko e polokalama ‘aho ‘e ua ko ení ‘oku fakataumu’a ia ke faka’ai’ai e ngaahi FaleAlea he Pasifikí kau ai mo Tongá ni ke faka kau honau fatongiá hono alea’i e ngaahi kaveinga fakafeitu’u.

‘E kau mai ki he fakatahá ni ‘a e kau fakafofonga ‘e toko 30 tupu mei he ngaahi FaleAlea ‘o e Pasifikí. Te nau tokanga ki he ngaahi kaveinga lalahi ‘e tolu kau ai hano fakalele ‘o e ngaahi FaleAlea he feitu’uní‘i he founga fakaonopooní kae makatu’unga he ngaahi fakakaukau faka-Pasifiki. 

‘E to e tokanga ‘a e fakatahá ki hono vakai’i ‘a e founga ‘oku faka’aonga’i’aki ‘e he kau fa’u Laó ‘a e ‘ilo, taukei mo e ngaahi naunau ngāue faka-FaleAlea ‘oku nau ma’ú ke tokoni ki hono alea’i ‘a e ngaahi tu’utu’uni pē polisī fakangāué hangē ko e me’a felave’i mo e feliuliuaki ‘o e ‘eá mo hono tokanga’i mo mapule’i ‘o ‘osení. Ko e faka’ai’ai ke potupotutatau ‘a e faingamalie ‘oku ma’u ‘e fafine mo tangata ‘i he fili ki FaleAleá mo ‘enau fekau’aki mo FaleAleá.

‘Ikai ngata aí kā ‘e siofi ‘e he fakataha’anga ko ení ‘a e ngaahi ngāue ‘oku fiema’u ke fai ‘e he kau fakafofonga FaleAleá kae malava ke fakahoko lelei honau ngaahi fatongiá.

Na’e talu mei he 2010 pea mo e fakahoko fakata’umaiki he Pasifiki ‘a e fakataha e ngaahi FaleAlea ‘o e Pasifikí ‘i he fengaue’aki ‘a e ‘Iunioni Va’a Ngāue Faka-FaleAlea pe Inter Parliamentary Union mo e FaleAlea ‘o ‘Aositelēlia. 

Ko e polokalama ako ‘aki eni hono fā ke fakalele ‘o fengaue’aki fakataha ai ‘a e IPUmo e ngaahi FaleAlea ‘o e Pasifikí ‘i he taumu’a ‘a  e IPU ke teke ‘ene ngaahi kaveinga ngāue faka-FaleAlea ki he ngaahi FaleAlea ‘i he feitu’uni.

Ngata'anga

Tukuatu mei he: Falealea 'o Tonga, Nuku'alofa, Tonga. Ki hano to e fakaikiiki kataki kae fetu'utaki kia Sione Vikilani 'i he fika telefoni Ph#: (676) 23565 pe (676) 24455 pe ko e 'imeili: This e-mail address is being protected from spambots. You need JavaScript enabled to view it pe This e-mail address is being protected from spambots. You need JavaScript enabled to view it

Last Updated ( Thursday, 07 November 2013 11:15 )  

Who's Online

We have 250 guests online

PUBLIC ENTERPRISES