Home / NEWS TODAY / Royalty / Polokalama Feme'a'aki 'a e Hou'eiki

Polokalama Feme'a'aki 'a e Hou'eiki

E-mail Print PDF
26 'Okatopa 2012 Na'e Finangalo lelei ‘a ‘Ene ‘Afio Tupou VI ke fakahoko ‘a e Polokalama Feme'a'aki ‘a e Hou'eiki Nopele ‘o e Fonua ‘i he ‘aho ‘e ua, mei he ‘aho Tusite 23 ki he Pulelulu ‘aho 24 ‘Okatopa 2012.

Na'e ‘Afio tonu ‘a e Tama Tu'i ‘i he Polokalama Feme'a'aki koeni ‘a e Hou'eiki Nopele ‘aia na'e fakahoko ‘i he Palasi pea kau mai kiai ‘a e kau Nopele ‘e 21, ‘aia ko kinautolu ia ‘oku nau me'a ‘i Tonga ni.

Ko e Kaveinga ‘o e Polokalama Feme'a'aki ko ha faingamãlie ke fakahoko ha Fefolofolai mo e Tama Tu'i ki he ngaahi kaveinga ‘oku felave'i tonu mo e Hou'eiki Nopele ‘o e Fonua, ‘o kau kiai ‘a e Founga Tataki, Tauhi Fonua pea pehē ki he Kelekelé.

Na'e toe kau mai ki he Polokalama Feme'a'aki mo e ‘Ea Hoko ki he Ngaahi Hingoa Nopele ‘e 4, ‘a kinautolu ‘oku nau ‘i Tonga ni ‘o kau kiai ‘a e Ma'afu, Nuku, Tuiha'ateiho pea mo e Fusitu'a.

Ko e Fuofua Polokalama Feme'a'aki  ‘eni ‘a e Houeiki Nopele ‘o e Fonua mo e Tama Tu'i Tupou Vi,  ‘aia  ‘oku ‘iai ‘a e ‘amanaki ‘e hokohoko atu ‘i he kaha'u.

NGATA'ANGA

Tukuatu moe ngofua mei he: ‘Ofisi ‘o e Lord Chamberlain, OFISI PALASI, Nuku'alofa 2012 Photo: MIC

 

Who's Online

We have 677 guests online

PUBLIC ENTERPRISES