Home / NEWS TODAY / Press Releases English

Press Releases

This section outlines official Press and Media Statements issued by the Ministry of Information and Communications in addition to Press Releases from the Prime Minister's Office and other Government Ministries and Departments.

Ha'elea ‘e he Tama Tu’í mo Kuini Nanasipau’u ‘a e Palepale Faka’ali’ali ‘a e Potungäue MEIDECC, Vava’u

E-mail Print PDF

13 Siulai, 2018 Na’e ha'elea ‘E He’ene ‘Afió Kingi Tupou VI mo Kuini Nanasipau’ú ‘a e palepale faka’ali’ali ‘a e Potungäue MEIDECC ‘i he ho’atä ‘o e ‘ahó ni lolotonga ‘a e Polokalama Maa’imoa Faka’ali’ali Ngoue, Toutai, Takimamata pea mo e Fefakatau’aki ‘a e Vahe Fonua Vava’ú 2018.

Fakatatau ki he lau ‘a e Talëkita ‘o e Ma’u’anga Iví, Toketä Tevita Tukunga, na’e fie ‘afio’i ‘e he Tama Tu’í ‘a e ‘uhinga e ngaahi maama hala solá.

“Na’a ku fakahoko pe ki ai ‘a e ‘aonga ‘o e ngaahi maama hala ki he kakai ‘o e fonuá pea mo hono ngäue’aki ‘i he taimi afaá pea na’e mokoi hono finangaló ke‘ai mo ha maama pehë ki Niua.”

Ko e palepale faka’ali’ali koeni ‘a e potungäué mo teuteu’i pë ia ‘e he kau ngäue ‘a e Potungäue MEIDECC ‘i Vava’ú pea tokoni foki ki ai mo e kau ngäue ‘a e potungäué ne nau folau mai mei Tongatapu.

Na’e ‘i he faka’ali’alí ‘a e ‘Eiki Minisitä ‘a e potungäué Poasi Tei pea pehë foki ki he ‘Ofisa Pule Ngäué Paula Ma’u pea mo e ni’ihi ‘o e kau ngäué foki.

NGATA’ANGA

Tuku atu mei he Potungaue Fakamatala ‘Ea, Ma’u’anga Ivi, Ma’u’anga Fakamatala, Tokangaekina Fakatamaki Fakaenatula, ‘Atakai, Feliuliuaki ‘o e ‘Ea mo e Fetu’utaki

Last Updated ( Saturday, 14 July 2018 18:08 )
 
Page 8 of 2212

Who's Online

We have 267 guests online

PUBLIC ENTERPRISES