Home / NEWS TODAY / Press Releases English

Press Releases

This section outlines official Press and Media Statements issued by the Ministry of Information and Communications in addition to Press Releases from the Prime Minister's Office and other Government Ministries and Departments.

Fanongonongo 'a e Poate Sino'i Pa'anga Malōlō mei he Ngāue

E-mail Print PDF

16 Sanuali, 2012. Makatu'unga ‘i he Tohi Tangi na'e fakahoko ki he ‘Eiki Sea (Palemia) ‘o e Poate ‘o faka‘aho ki he ‘aho 5 ‘o Tisema 2011,'aho 11 ‘o Sanuali 2012 mo e fanongonongo ‘a e Kautaha Kau Ngäue Fakapule'anga(PSA) ‘i he ‘aho 22 ‘o Tisema 2011, felave'i mo e Tohi Tangi. Ko ia ‘oku fakahoko atu ai ‘a e fanongonongo̕ ni ke mea'i ‘e he kau Memipa ‘a e Tu'utu'uni ‘a e Poate felave'i mo e ngaahi Tohi̕ ni.

Fokotu'u 1 mei he Tohi Tangi:

Ke fakahoko ha fakataha lahi tu'o taha ‘i he ta'u ‘a e kau Fakafofonga´ mo e kau Mëmipa´; pë ‘i ha taimi ‘oku ‘iai ha ngaahi me'a lalahi ‘e uesia ai ‘a e kau Mëmipa´ pë ko ‘enau pa'anga ‘i he Poate Vähenga Mälölö´ ‘i he ui ‘e he kau Memipa´;

Tu'utu'uni ‘a e Poate:

Kuo tali ke fakahoko ha Fakataha Fakata'u (AGM) ‘a e Poate mo e ‘Ofisa Pule Fakahoko Ngäue (CEO) mo e Kau Memipa hili hono tali ‘e he Kapineti ‘a e Fakamatala Fakata'u ke fakamatala ki he ola ngäue, taumu'a mo e visone ‘a e Poate.

___________________________________________________________________________________________________________________

Fokotu'u 2 mei he Tohi Tangi:

Ke fakafaikehekehe'i ‘a e "Tu'utu'uni ki he Faingata'a'ia he Lahi ‘o e Mo'ua´" (High Debt Hardship Policy) mei he polokalama ‘inivesimeni ki he nö (Short Term Loan);

Fokotu'u 4 ‘a e Tohi Tangi:

Ke ‘omai ‘emau kole ki he 50% homau ‘inaisi ‘i he'emau vähenga mälölö´ he "Tu'utu'uni ki he Faingata'a'ia he Lahi ‘o e Mo'ua" kia kimautolu pë ke´ mau toki leva'i hono totongi ‘emau ngaahi nö, ngaahi mo'ua´ mo e ngaahi fatongia kehe ‘o kau ai e totongi ako ‘a e fänau´;

Tu'utu'uni ‘a e Poate:

Ke to e fakalahi ‘a e "Tu'utu'uni ki he Faingata'a'ia he Lahi ‘o e Mo'ua´" ke fakakau mai ki ai ‘a e Polokalama Nö ‘a e Poate mo e totongi ‘o e ngaahi fakamole ki he ako.

‘Oku ‘oange ‘e he tali ko ‘eni ke fakalahi ‘a e Tu'utu'uni ki he Faingata'a'ia he Lahi ‘o e Mo'ua" ke fakakau mai ki ai ‘a e Polokalama Nö ‘a e Poate ‘a e faingamälie tatau ki he memipa kotoa pë ke ne ma'u ‘a e tokoni 50% ‘o hono ‘inasi (Member's contribution and Volunatary contribution) ‘o tatau pë pë na'e ‘osi nö he Polokalama Nö ‘a e Poate Sino'i Pa'anga Malölö pë ‘ikai.

‘Oka fiema'u ‘e ha memipa ke ma'u ‘a e tokoni̕, ‘e malava ke ma'u ia kamata ‘i he ‘aho Tu'apulelulu 19 Sanual 2012.

Kapau leva te ke to e fie kole ha'o Nö fo'ou mei he Polokalama Nö, ‘e lava ke ke kole ‘a e 30% ho'o ngaahi monü'ia pë ko e katoa ‘o e mahu'inga Pa'anga Tatanaki ‘a e Memipa pë (pa'anga tatanaki 5% ‘ae Memipa mo e Akauni ta'ekouna'i) pë ko fe ‘iate kinaua ‘oku ma'ulalo ange, koe'uhi ko e tu'unga ‘o e Lao lolotonga ki he nofo ko e tuli (dismiss) mei he ngäue.

‘I he ‘aho 30 Sune 2011, ko e tu'unga fakapa'anga ‘a e Poate na'e a'u ki he $88.6 miliona, ‘a ia ko e 30% ko e pa'anga tatanaki ‘a e Memipa (Member 5% contribution) ko e makatu'unga ia hono faka'atä ‘e he Polokalama nö ke nö 30% kae malu'i'aki ‘e te Sino'i Pa'anga Malölö.

‘Oku tanaki atu foki mo e totongi ngaahi fakamole ki he ako ki he ngaahi makatu'unga kuo tali. A ia ‘oku totongi hangatonu pë ki he ngaahi ‘apiako̕.
‘Oku kei faka'amu pë ke ‘ave hangatonu pë pa'anga ki ha feitu'u ‘oku mahino ‘oku ‘i ai e faingata'a (kae kei fakangatangata pë ke kei malava pë ‘o muimui'i lelei) ke fakatatau pë mo e ngaahi tu'utu'uni kimu'a fekau'aki mo e faingata'a'ia ‘i he lahi ‘o e ngaahi mo'ua.

___________________________________________________________________________________________________________________

Fokotu'u 3 mei he Tohi Tangi:

Ke fakahü fakavavevave ki he Kapineti´ ke liliu ‘a e "Tu'utu'uni" (Regulations) fekau'aki mo e mole ‘a e ‘inasi ‘o e tokotaha Mëmipa´ mei̕ he Pule'anga´ kapau ‘e tuli mei he Ngäue Fakapule'anga´ he ko ‘ene pa'anga kuo´ ne ngäue'i pea kuo´ ne ‘osi totongi hono mo'ua´ ki he Pule'anga´ pë Fakamaau'anga´; pea ke fakafoki kotoa ‘a e ngaahi ‘inasi ‘o e kau Mëmipa kuo mole ki mu'a´.

Tu'utu'uni ‘a e Poate:

Ke hoko atu e ngäue ‘a e Komiti ki he ngaahi founga ki he tu'unga ‘o e tuli mei he Ngäue (dismiss) pea fakahu ki he Poate hoko mai ke toki faitu'utu'uni ‘a e Poate.

Ko e ngäue ki he tuli mei he ngäue (dismiss) ne ‘osi fakahoko pë hono toutou alea'i kimu'a pea ‘e fakakakato e ngäue ko ‘eni ki he fakataha Poate hoko ‘i he konga kimui ‘o Sanuali 2012.

___________________________________________________________________________________________________________________

Fokotu'u 5 mei he Tohi Tangi:

Ke fakakau ‘a e kau Mëmipa kuo´ nau nofo mei he Ngäue Fakapule'anga´ ka ‘oku te'eki ai ke´ nau a'u ki he ta'u vähenga mälölö´ he kole ‘ihe "Tu'utu'uni ki he Faingata'a'ia he Lahi ‘o e Mo'ua" he ‘oku uesia tatau pë mo kinautolu he tö lalo ko ‘eni ‘a e ‘ekonömika´.

Tu'utu'uni ‘a e Poate:

Ke nofo pë ‘a e "Tu'utu'uni ki he Faingata'a'ia he Lahi ‘o e Mo'ua´" ‘i he kau Memipa pë ‘oku lolotonga ngäue.

‘Oku makatu'unga ‘a e tali ko ‘eni he ‘oku ‘osi ‘i ai pë ‘a e ngaahi makatu'unga ke tokoni'i'aki ‘akinautolu kuo ‘osi nofo mei he ngäue kae kei tauhi ‘enau pa'anga malölö. ‘Oku ‘osi ‘i ai ‘a e kau memipa kuo nau ‘osi nofo mei he ngäue kuo nau ‘osi ngäue‘aki e faingamälie ko ‘eni. ‘Oku kau heni ‘a e faingata'a'ia fakapa'anga pea mo e totongi ako ‘a e fänau.

___________________________________________________________________________________________________________________

Fokotu'u 6 ‘a e Tohi Tangi:

Ke toe vakai'i ‘a e founga hono totongi ‘a e tupu (interest) 9% he polokalama nö (Short Term Loan); pea ke hilifaki e totongi tupu he palanisi nö he ‘osi ‘a e ta'u´ (diminishing value) kae ‘ikai ‘i he fakakätoa ‘o e silini ‘oku nö ‘o liunga tu'o 3 hangë ko ia ‘oku fai he taimi´ ni;

Tu'utu'uni ‘a e Poate:

1. Ke hoko atu pë Polokalama Nö ‘a e Poate hono ngäue'aki ‘o e Flat Rate makatu'unga ‘i he ngaahi ta'umu'a na'e fatu ai mo e ngaahi fakamole kuo fai.

Ko e ongo founga totongi tupu anga maheni foki ‘e ua ‘oku ngäue'aki ki he nö. Ko e ‘uluaki ko e Flat Rate pea ‘ikai ha totongi makehe (No Fee) ‘a ia ‘oku tau ngäue'aki pë ko e Diminishing Value pea mo e ngaahi totongi makehe fakamahina (With Fees) ‘a ia ‘oku ngäue'aki ki he nö taautaha (personal) ‘i he lahi ‘o e ngaahi pangike. Ne ‘osi fai pë foki siofi ‘o e ongo founga ni kimu'a ke kamata ‘a e polokalama nö pea ne pehë ‘oku ngali ma'ama'a ange pë ‘a e Flat Rate, pea ‘ikai to e ‘i ai ha totongi makehe (No Fee).

2. Ke to e vakai'i ‘a e totongi tupu 9% fakata'u ‘i he Polokalama Nö ‘i he kamata'anga ‘o e ta'u fakapa'anga ka hoko (2012/2013).

‘I he lolotonga ni ko e Polokalama Nö ‘a e Poate ‘oku ma'ulalo taha ‘ene totongi tupu fakahoa ki he ngaahi feitu'u ‘e ala fai ai ha nö taautaha (personal) ‘i Tonga̕ ni. Ko e fakakaukau foki ke 9% koe'uhi ke kei ma'ama'a fe'unga pë ki he memipa pea to e lava pë foki mo ha tokoni ki he pa'anga fakalukufua ‘a e Poate ‘i he siofi atu ‘a e tu'unga ‘e ‘i ai e pa'anga malölö ‘a e memipa ‘i ha'ane malölö mei he ngäue. Ka neongo ‘eni ‘e to e vakai'i pë ‘i he kamata'anga ‘o e ta'u kaha'u.

Fakama'opo'opo

‘Oku mau faka'amu pë ke fakamahino ko e Tohi Tangi ‘uluaki ‘a ia na'e faka'aho ki he ‘aho 26 ‘o ‘Epeleli 2011 na'e toki ma'u ‘e he Poate he ‘aho 19 ‘o Me 2011, hili hono fakahoko mai ‘e ‘Aisake Eke mo Viliami Fifita, ‘o ‘ikai Novema 2010 hangë ‘oku ha ‘i he tohi. Na'e faitu'utu'uni leva ‘a e Poate he ‘aho 29 ‘o Sune 2011 (mahina pë ‘e taha) ke tali ‘a e kole tokoni ki he faingata'a'ia lahi ‘o e ngaahi mo'ua (hardship), ka kuo pau ke ‘uluaki fakatonutonu ‘a e Lao. Ko ia na'e toki Kasete'i ‘a e Lao Fakatonutonu he ‘aho 3 ‘o Novema 2011 (Kasete Fika 47, 2011) pea Poate hoko pë ‘aho 25 ‘o Novema 2011 (Mahina pë ‘e ono) na'e tali ai "Tu'utu'uni ki he Faingata'a'ia he Lahi ‘o e Mo'ua´"

Kuo ‘osi me'a'i pë eni he Kau Memipa, ‘a ia na'e mahina ‘e ono (6) pë mei hono ma'u mai e tohi ki hono kasete'i e fakatonutonu e Lao. Ne ‘ikai ke mahina 12 (talu mei Novema 2010) ke ha ngali kovi ‘a e Poate, pea ‘oku ‘ikai fakapotopoto ia.

Fakatatau ki he Tohi Tangi ‘o e ‘aho 26 ‘o Epeleli 2011, ko e laumälie mo e fakakaukau ‘o e kole na'e fai mai, palakalafi 3:

"Kuo ‘osi fakaha mai foki ‘a e tu'utu'uni (resolution) ‘a e Poate ke faka'ataa ki he kau memipa ke noo ‘a e peseti ‘e 30 honau ‘inasi. ‘Oku mau fokotu'u atu heni,  ke faka'atä ki he memipa ke ne fili pë ‘e nö ‘ene 30% pë ko hono faka'atä mai pë kene ngäue'aki ‘ene 30% ‘o ‘ikai ko ha nö..."

Ko e me'a ia na'e feinga ‘a e Poate ke faitu'utu'uni ki mu'a he 1 Siulai 2011, pea fakamahino atu pë ‘i he ‘aho 29 ‘o Sune 2011, kuo tali ‘a e kole tokoni ki he faingata'a'ia lahi ‘o e ngaahi mo'ua (high debt hardship), ka kuo pau ke ‘uluaki fakatonutonu ‘a e Lao kae toki malava ‘o fakahoko ‘a e tokoni. Koe'uhi ke tau'ataina pë ‘a e memipa ke fili ke kau ki he Nö (‘a ia na'e kamata 1 Siulai 2011) pë ko e tali ki he tokoni hili ‘a e fakatonutonu fakalao.

Kau Memipa ‘oku lolotonga faingata'a ia lahi ‘a e ngaahi Sino'i Pa'anga Malölö Fakafonua ‘i hotau ngaahi Fonua kaunga'api (PNG, Vanuatu, Solomone pea mo Fisi eni he ta'u kuo ‘osi) koe'uhi ko e ngaahi fiema'u tokoni ke tokoni lolotonga pë ‘ete kei ngäue. Pea koe me'a ia ‘oku kei tui mo ngäue ‘a e Poate ki he Lao mo hono ta'umu'a koe'uhi ke haofaki ‘a e Kau Ngäue Fakapule'anga ‘o Tonga mei he faingata'a tatau. Ko e ‘aho ‘o e malölö ai mei he ngäue, kuo mei ‘osi e pa'anga malölö ia hono toho mo ngäue'aki ki he ngaahi taumu'a lelei pë (totongi ako, putu, langa fale, tokoni afa, etc) lolotonga pë taimi ke ma'u ivi ke ngäue kae ‘ikai ha paletu'a fe'unga ki he taimi malölö mei he ngäue (retirement).

Fakatokanga'i ange ‘oku tau monü'ia he lotolelei ‘a e Pule'anga ke 10% ‘enau pa'anga tatanaki (contribution) neongo e taimi faingata'a fakapa'anga. Ko e ma'olunga taha ‘eni he Pasifiki (kau ai ‘a Nu'u Sila mo ‘Aositelelia), ko e mahu'inga ‘ia he taumu'a. Ko e Sino'i Pa'anga Fakafonua (National Retirement Benefit Scheme) ‘oku peseti pë ‘e 5. ‘Oku tau kei hokohoko monü'ia he ‘oku ‘ikai tukuhau'i (tax) ‘etau ngaahi totongi tupu.

Kau Memipa ‘oku lave'i pë ‘e he Poate̕ ‘a e faingata'a'ia fakapa'anga, ka ‘oku ne pole'i kitautolu ke tau to e fakapotopoto ange koe'uhi ko e kaha'u. ‘Oku ‘ikai ha Social Welfare Scheme ‘a e fonua ke tokoni mai ‘i he taimi te tau malölö ai, ko ‘etau Sino'i Pa'anga Malölö pë ‘oku fai ki ai ‘a e ‘amanaki ke tokoni ke tauhi kitautolu he taimi te tau malölö ai mei he ngäue mo e ta'u matuotu'a ange (old age, 60+). Pea koe taimi pë ‘eni ke fai ai e tokonaki ki he ‘aho ko ia.

‘Oku faka'amu pë Poate ke fakamahino ko ‘emau fua fatongia ‘oku fai pë ‘o fakatatau ki he Lao mo e Ngaahi Tu'utu'uni ke a'usia ‘a e Taumu'a "ke ma'u ‘e he Memipa ‘o e Sino'i Pa'anga ha mo'ui nonga mo fiefia ‘i he'ene malölö mei he ngäue".

Fakamälö atu he fakamahino mai ‘oku mou kei poupou lahi pë ki he taumu'a ‘o e Sino'i Pa'anga Malölö pea mo e faka'amu te tau ngäue kotoa pë ke a'usia ‘a e taumu'a ko ia. Fakamälö atu he fokotu'u mai ke take risk ka ‘oku kei tui pë Poate ki he malu mo e hao ‘a e Sino'i Pa'anga mei he ngaahi faingata'a ‘oku ala mapule'i pë pea fili pë ‘a e risk ‘oku fakapotopoto.

Faka'amu pe te tau hounga'ia he ngäue kuo fai mai he kau Poate ‘o e kuohili mo ho'omo Poate lolotonga, ‘a e tokonaki ha Sino'i Pa'anga Malölö fe'unga koe'uhi ko e ‘aho te tau malölö ai. Ko ‘emau misiona ‘ia " ke fakapapau'i ‘oku malu ‘a e fakahu pa'anga ‘a e kau memipa ki he'enau malölö mei he ngäue ‘aki ‘a e ngaahi founga tokanga'i pau mo e inivesi fakapotopoto."

Fakatauange pë ki he ‘Otua Mafimafi ke ne tokoni mai koe'uhi ko e kaha'u ‘o e Kau Ngäue Fakapule'anga ‘o Tonga pea mo e ngäue ‘oku tau lolotonga fakahoko.

Ka ‘i ai ha me'a te mou tokanga ki ai felave'i mo e ngaahi tu'utu'uni ni, kataki ‘o fetu'uaki mai pë ki he Kau fakafofonga, ‘Ofisa Pule Fakahoko Ngäue pë ko homau ‘Ofisi.

Faka'apa'apa mo e ‘ofa atu.
Poate Sino'i Pa'anga Malölö Mei he Ngäue.

END.

___________________________________________________________________________________
Issued by the: Ministry of Information and Communications, January 2012.
Contact: +676 28 170, Email: This e-mail address is being protected from spambots. You need JavaScript enabled to view it Address: Level 2, OG Sanft Building, Nuku'alofa.


Last Updated ( Tuesday, 17 January 2012 12:49 )
 
Page 2231 of 2249

Who's Online

We have 311 guests online

PUBLIC ENTERPRISES