Home / NEWS TODAY / Press Releases English / Teuteu atu ‘a Tonga ki he sivi fika mo e laukonga ‘a e Pasifikí

Teuteu atu ‘a Tonga ki he sivi fika mo e laukonga ‘a e Pasifikí

E-mail Print PDF

12 'Okatopa 2017 Na'e kamata 'aneafi ‘a e sivi ‘ahi’ahi ‘a e Sivi ‘a e Pasifikí (Pacific Islands Literacy and Numeracy Assessment (PILNA) ‘i he fai fiká, laukongá mo e tohí ‘i he ngaahi ‘apiako lautohi Pule’anga ‘e tolu ‘i Tongatapú ni.

Ko e sivi ko ‘ení ‘oku fakahoko ia ‘i he kalasi fa pea mo e kalasi ono. Ko e ngaahi ‘apiako Lautohi Pule’anga ko ‘ení ‘oku fakahoko ai ‘a e sivi ‘ahi’ahi ‘oku kau ki ai ‘a e Lautohi Pule’anga ‘a Houmá, Vaini pea mo Havelu.

Ko e sivi ko ‘ení ‘oku fakataumu’a pe ia ki he kalasi fa mo e kalasi ono ‘i he ngaahi ‘apiako lautohi Pule’angá.

Fakatatau ki he fakamatala kuo tuku mai mei he ‘Ofisi ‘o e Potungāue Akó ‘oku fakataumu’a ‘a e sivi ‘ahi’ahí ni ke siofi ‘a e ngaahi mata vaivai he ngaahi tafa’aki kuo ako’í koe‘uhi  ko e teuteu atu ko ia ki he fakahoko ‘o e PILNA ‘i he ta’u fo’ou.

Ko e PILNA ‘oku kau atu ki ai ‘a e ngaahi fonua ‘o e Pasifikí ‘oku nau mēmipa ‘i he SPC ‘a ia ‘oku fakahoko fakata’u ‘e tolu.

Na'e kamata’aki ‘a e sivi laukonga mo e tohí 'aneafi pea ‘e faka’osi’aki ‘a e sivi fiká 'i he ‘ahó ni. Fakatatau ki he fakamatala kuo tuku maí ‘oku ‘amanaki ke fakahoko ‘a e PILNA ‘i he ta’u fo’ou ‘o fakafuofua ki he ‘osi ‘a e sivi hū ‘a e kalasi onó ki he ngaahi kolisí.

‘Oku tataki ‘a e polokalama ko ‘ení ‘e he Educational Quality and Assessment Programme (EQAP) ‘o fakamalumalu ‘i he SPC.

NGATA'ANGA

Tukuatu mei he Potungaue Fakamatala 'Ea, Ma'u'anga Ivi, Ma'u'anga Fakamatala, Tokangaekina ngaahi fakatamaki fakaenatula, 'Atakai, Feliuliuaki 'o e 'Ea mo e Fetu'utaki

Last Updated ( Thursday, 12 October 2017 10:58 )  

Who's Online

We have 225 guests online

PUBLIC ENTERPRISES